النهاردة هانتكلم عن إيه هو ال SEO و ايه هي ال 3 أنواع الخاصة بيه

قبل ما نبدأ لو لسة ماعملتش إشتراك في القناة على اليوتيوب إضغط هنا دلوقتي عشان تشترك في القناة و فعل الجرس عشان يوصلك كل جديد

خلينا نبدأ الأول بأهم سؤال, إيه هو ال SEO؟

ال SEO  هو عملية إقناع محركات البحث زي جوجل و ياهوو و بينج بإقتراح محتواك للمستخدمين بتوعهم كأفضل نتيجة لبحثهم أو أفضل حل لمشكلتهم

خلينا كدة نتخيل إنك عايز خدمة معينة مثلا, و روحت لعم جوجل على القهوة اللي عارف كل الناس, قولتله يا عم جوجل أنا عايز واحد يصلحلي التيلفزيون مثلا, فا عم جوجل طلع نوتة فيها بيانات كل الناس اللي يعرفها و لقى فيها شخصين

واحد فيهم هو وليد, ده واحد متخصص في صيانة التيليفزيونات, و عنده محل صيانة للتيلفزيون, و لما بيقعد على القهوة دايما بينصح الناس إزاي يحلوا مشاكل التيلفزيون و يحافظوا عليه

و التاني بقى هو علاء, علاء ده بتاع كله, سمسار و بتاع دش , و بتاع صيانة و مدرس خصوصي, و عنده محل كشري و بيقعد على القهوة يحلل ماتشات كورة و يتكلم في السياسة

تفتكر عم جوجل هايرشحلك تكلم مين عشان تصلح التيلفزيون؟

وليد المتخصص اللي فاهم و الناس بتروحله لما يكون عندها مشكلة؟

ولا علاء الفهلوي بتاع كله اللي ماحدش عارف هو متخصص في ايه؟

السيو هو نفس الفكرة

هي طريقة لإقناع محركات البحث إن الصفحة دي هي الأفضل عشان يرشحها للي بيسأله

كل ما الموقع بتاعك يكون متخصص أكتر, كل ما محركات البحث بتشوف إن ليه علاقة الكلمة البحثية أو الكيوورد للمستخدم

يعني لو إنت بتدور على وصفة أكل معينة, هاتلاقي دايما النتائج الأولى بتكون من مواقع متخصصة في الأكل و الوصفات, و المواقع اللي بتنشر وصفات أكل و معلومات كورة و مواضيع تانية بتكون ظاهرة بعد المواقع المتخصصة في الأكل

طيب إزاي بقدر أقنع محرك البحث بإني الأفضل في تخصصي؟

هنا هنلاقي إن ال SEO  مقسم ل 3 أنواع

Technical SEO

On-site SEO

Off-site SEO

ناخدهم واحدة واحدة

أولا Technical SEO

الجزء ده هانتكلم عليه من ناحيتين, الناحية الأولى لو إنت بتعمل موقع على الووردبريس مثلا بإستخدام قالب جاهز

يبقى مش محتاج تعرف تفاصيل قوي, المهم لما تجي تشتري تصميم, دايما إتأكد إنه جاهز لل SEO بإنه يكون مكتوب عليه إنه

SEO Ready أو SEO Optimized

و هايكون فيه فيديو تاني هانشتغل فيه مع بعض على السيو للمواقع المبنية بالووردبريس و إزاي نظبط السيو بتاع المحتوى بتاعنا و الصور و غيرها

الناحية التانية بقى لو إنت مطور مواقع, فا هنا نتكلم عن العناصر الأساسية في التيكنيكال  سيو

أول حاجة هي سرعة الموقع

الهدف هنا إن الموقع بتاعنا يحمل في وقت أقل من ثانيتين على الموبايلات اللي فاتحة بسرعة 3g

و ده له أسباب كتير للبطئ زي حجم الصور, كمية العمليات اللي بيقوم بيها, الnodes  الخاصة بالJavaScript  و حاجات تانية كتير, بكرة هاينزل فيديو تفصيلي لموضوع سرعة الموقع

تاني حاجة هي إعادة التوجيه أو Redirects

لازم تتأكد إن الموقع بيتم إعادة توجيهه بصورة صحيحة بإستخدام شرط

301

عشان مايطلعش إن المحتوى مش موجود أو يخلي المحتوى يبان إنه متكرر

ثالثا

لازم تتأكد إن مفيش أي روابط مابقتش موجودة سواءا بتتوجه لصفحة تانية في موقعك أو لموقع تاني

رابعا

لازم تتأكد إن محرك البحث بيعمل Crawl لنسخة واحدة من موقعك, بإستخدام إعادة التوجيه إنه كل الصفحات بتتجه لنفس النسخة زي ما باين في الصورة كدة

خامسا

هيكلة الروابط

لازم تتأكد إن الروابط بتظهر بشكل كويس, إبعد عن عمل رابط للمقالات أو الصفحات بإستخدام التاريخ أو رقم

دايما خلي الكلمة البحثية المستهدفة هي جزء من الرابط

سادسا

إتأكد من وجود Sitemap و ملف robots.txt معمولين مظبوط

و أخيرا

ضيف العلامات الصحيحة لل Schema Markup عشان يتعملها هيكلة مظبوطة

تاني قسم هانتكلم فيه هو ال On Site SEO

و هنا هانتكلم عن المحتوى نفسه

لازم نخلي المحتوى بتاعنا أصلي و نبعد عن الإقتباس و إعادة نشر محتوى أخر

إبعد عن تكرار كتابة الكلمة البحثية بدون سياق أو بشكل مبالغ

لو أنا مثلا بستهدف "مطور ووردبريس" كا كلمة بحثية, أفضل معدل هايكون بين 1-2% من المحتوى

يعني مرة أو مرتين كل 100 كلمة

ضيف الكلمة البحثية في العناوين داخل المحتوى و في عنوان الصفحة و الرابط

ضيف الكلمة البحثية لواحدة من الصور يكون ده إسم الملف و كمان Alt أو الكتابة البديلة

ماتخليش فيه صور مضافة للمحتوى بدون Alt

إستخدم روابط لصفحات داخل موقعك و روابط لصفحات خارج الموقع

دي طبعا أهم نقاط الخاصة بالسيو على الموقع و لكن في نقاط تانية هانتكلم عليها في فيديو تاني خاص بالشرح العملي

تالت حاجة ال سيو خارج الموقع

و هنا هانتكلم عن أهم 3 نقاط فقط اللي ليهم تأثير حقيقي

أولا الروابط الخلفية أو ال backlinks

الروابط الخلفية يعني مواقع تانية بتحط رابط موقعك عندهم كا مرجع أو ترشيح

بس مش كل الروابط الخلفية بتكون مفيدة, الأفضل دايما إنها تكون من مواقع لها علاقة بمجالك, يكون الموقع أكثر شهرة من موقعك و رانك اسم النطاق بتاع أعلى

لو عايز فيديو أشرحلك إزاي تعمل روابط خلفية من مواقع كبيرة, إكتبلي كومنت و ماتنساش تعمل لايك و شير للفيديو و تشترك في القناة

تاني حاجة السوشيال ميديا

كل ما يزيد اللايك و الشير للروابط اللي بتحطها على السوشيال ميديا لموقعك, كل ما ده بيدي مؤشر لمحركات البحث إن الموقع بتاعك عاجب الناس

ثالثا ذكر موقعك بدون روابط

يعني مثلا, لو موقعك إسمه المستنير مثلا, كل ذكر لإسم موقعك على السوشيال ميديا أو المنتديات أو حتى في مواقع تانية, ده بيدي مؤشر لجوجل إن الناس بتتكلم عنك

و أخيرا اللي قولناه ده كله لو ظبطناه, في عامل مهم جدا لازم تكون عارفه كويس

المنافسة

لازم تتابع منافسينك في كلمات البحث اللي بتستهدفها و تحاول تعلي عليهم على قد ما تقدر

تعلي عليهم بإنك تقدم محتوى أفضل و أقوى