في ناس كتير دلوقتي تحتاج لهذة النصائح الذهبية، و في ناس بدأت تشتغل كافريلانسر بجانب شغلتهم الأساسية أو هما أصلا دي شغلتهم الأساسية،
و حققوا إنجازات كتير، و طبعا عملوا دخل مادي كويس جدا، و عشان تكون محترف مستقل طموح.
هقولك علي شوية خطوات تقدر بيهم تتخطي مشاكل هتقابلك في المستقبل،
أو هتساعدك إزاي تبدأ و منين، لأن معظمنا مش عارف أية هي الخدمة إاللي يقدر يقدمها كافريلانسر
و أول نصيحة و هي إنك ممكن تبدأ بيها
في نصائح كتير للمبتدئين في مجال العمل الحر(الفريلانسرز) لكن في هذة المقالة هقدم أفضل 10 نصائح هاتقدر تستفاد منهم لو أنت لسه مبتدأ في المجال جديد.
الفوتوشوب من الحاجات المهمة جدا، و هي تعتبر من أهم النصائح الأساسية للمحترف المستقل الطموح.
لانه مهما كانت مهاراتك سواء عارفها أو مش عارفها هتيجي في وقت و هتحتاج إنك تشتغل عليه
سواء بتعمل أعمال يدوية، بترسم، مبرمج، مطور مواقع شبكية، أيا كان إية هتحتاجه.
لأن كمان في وظائف بتعتمد علي شغل الفوتوشوب.
طبعا لما بتسمع الناس إللي بتشتغل فريلانسر و المبالغ إللي بتاخدها
أكيد بتفكر الناس دي إزاي بتقبض فلوسها و أنه عالم خيالي بالنسبة لك.
بس نصيحة ليك متفكرش في الموضوع دة في البداية لأنه سهل و بسيط إنت بس أعمل الفلوس الأول و هتلاقي كذا طريقة تجيب بيها فلوسك. أهم حاجة إنك تتطور مهاراتك و تكون محترف مستقل و بعد كدة هتجيب الفلوس.
و عشان تعرف يعني إية Portfolio وهو بأختصار هو معرض أو سجل أعمالك إللي الناس من خلاله هيشوفوا عليه شغلك
و بعد كدة علي إساسه هيطلبوا منك الشغل بتاعهم، يعني دة كدة مثلا زي الوجهة بتاعتك. لأنك هتكون المستقل المحترف الطموح
و طبعا هيجي في بالك طيب انا ماليش أعمال عشان أعرضها.
و خليني أقولك دة مش شرط أعرض أي حاجة لو حتي حاجة انت بتطبق عليها من درس أتعلمته، بتعمل أعمال يدوية صورها و حطها، أي حاجة كا بداية. و الاحسن إن يكون عندك موقع بتاعك تعرض عليه و الناس تشوف من عليه.
و دي من الخطوات المهمة كمان في عرض شغلك، و دي من أوائل الحاجات المهمة و بسببها هتبقي المحترف المستقل الطموح
لأنك و أنت بتشتغل بتصور و الناس بتشوف إنت بتعمل إية بالظبط، لأنك ممكن تكون بتعلم الناس تفصيلة مهمة الناس بتشوفها مباشرة
و دة في حد ذاته تسويق جيد جدا لشغلك و إنك فعلا بتعمل شغل لناس. و دة هايشجع الناس تطلب منك شغل.
لازم تحسن الأنجليزي بتاعك و تطور من نفسك.
و طبعا مش محتاج إقولك قد إية اللغة الأنجليزية مهمة، كل منصات العالم للعمل الحر أو الفريلانسر، إنت بتتعامل مع ناس أجانب،
و لأنها كمان لغة التواصل دلوقتي في العالم، و من غيرها هيبقي صعب تتواصل.
و هي واحدة من أهم النصائح للمحترف المستقل الطموح.
إنت ممكن تكون في أول شغل ليك تكون محرج إنك تطلب فلوس
لدرجة إنك ممكن تقول للعميل إنا هعملها مجانا، متعملش كدة دة غلط لإنك كدة ها تنسي قد إية إنت قضيت وقت أيام و مجهود عشان تتعلم مهاراتك
و لأن دة حقك كمان و مفيش إي إحراج في إنك تتطلب حقك. و لو إنت في البداية مش عارف تتطلب قد إية إنت ممكن تدخل المنصات و تشوف متوسط أسعار الخدمة إللي إنت بتقدمها كام.
ممكن تكسب من شغلك كافريلانسر و لكن نصيحة إنك تكمل في شغلك الأساسي لو إنت قررت إنك تسيب شغلك
لازم تكون مأمن دخل ليك لإن الشغل الحر متقلب في بعض الحالات
و طبعا الشغل الأساسي دخله ثابت، يعني لازم تكون مأمن نفسك ماديا ستة شهور قدام.
ممكن تاخد إجاوة بدون مرتب تكون فترة تدريبية تجرب فيها الموضوع. و أكيد قرار إنت تشتغل حر دة قرار مميز بس لازم ترتيب كويس جدا.
بالاش تشتغل من البيت علي طول، لإن الشعور في الأول هيكون حلو جدا
لإن محدش بيأمرك تشتغل أو تنجز شغل معين، و لكن بعد شوية هتحس بملل و الحماس هيقل لإنك مش عارف تنظم وقتك ما بين البيت و الشغل
أعمل لنفسك مكان مخصص للشغل، أو إنزل أشتغل من الكافية، يعني حاول تغير الأماكن و كدة مش ها تحس بملل و تقدر تنجز أكتر.
إنت ممكن تستغرب من النصيحة دي شوية و لكن خليني أقولك إنها نصيحة مهمة،بالاش تشتغل علي كرسي مش مريح و رخيص، لإنك بتقضي ساعات كتير جدا علي الكرسي دة، و مع الوقت هتحس بوجع الظهر، الرقبة و هاتحس بتعب شديد، ولو فكرت إن الكرسي ثمنه غالي فا أكيد صحتك أغلي بكتير. و نوع في شغلك ما بين إنك تعد شوية و تقف شوية.
في البداية ممكن يكون الموضوع صعب، و لكن أهم حاجة إنك تصبر و تفضل تطور مهاراتك.
اقرأ أيضا ال8 مهارت التي يجب تعلمها لتصبح شخص ناجح
في النهاية خليني إقولك إنك ممكن في الأول محدش يطلب منك شغل و تتأخر شوية و دة بس في البداية، لكن أصبر و كل حاجة بتحقق خطوة بخطوة، و في الفترة دي إنت ممكن تستفاد إنت تزود مهاراتك، و تعرف أكتر عن شغلك و يكون عندك خبرة أكتر، و دايما الشغل الحر في بدايته ممكن يعجزك و تقول أنا مش هكمل، بس كمل و بالاش أي حاجة تخليك تتنازل عن الحاجة إللي عايز تحققها و شوف الناس إللي حققت نجاح صبرت قد إية لحد ما وصلت و حققت نجاح عظيم.
