المحتويات:
5-التوازن ما بين الشغل و حياتك:
8-اهتمامك بالمشاريع المهمة لك فقط:
من كتر الخرافات أللي معظم الناس باتتكلم عنها، إنه مجال العمل الحر إنه مش أمان ومش ثابت طوال الوقت. و قبل ما تفهم عن نقطة الأمان خليني أقولك ما هو مفهوم الأمان في الوظيفة أللي معظم الناس باتفضلوا عن الشغل الحر، هو أنك تكون في حالة إيجابية و مستمر في وظيفتك، لإنك مطمن إنه في دخل ثابت كل شهرأو علي حسب.
يعني إذا افترضنا مثلا أنك شغال كموظف في شركة ما، و تركتها فأنت كدة خسرت كل دخلك، و لكن لما تدخل في مجال العمل الحر، و لو مثلا خسرت عميل من عملائك في اللحظة دي أنت محافظ علي باقي عملائك، و بالتالي أنت مطمن لأنك مش هاتخسر فلوسك كلها و لكن جزء منها.
يعني أنت العميل أللي هاتخسره هاتعرف تبدله بعميل أخر. و دة طبعا أسهل من أنك تبحث عن وظيفة أخري. و من هنا أقولك بالاش تثق في إن أي حد يقولك إن مجال العمل الحر مش أمان، دة كمان ممكن العمل الحر أكتر أمان من الوظيفة.
وعشان تكون في منطقة الأمان، أنت ممكن تحتفظ بفلوس كفاية ليك لمدة 6 شهور مثلا لأي ظرف ممكن يحصل، فا تكون مستعد لأي خسارة بحيث إنك تقدر تعدي و تستمر بدون أي ضغوطات.
و دي من أشهر خرافات عن مجال العمل الحر أيضا، بمعني أنك ممكن تتصور أن مفيش رئيس للعمل يقولك تنفذ أية بالظبط ، فابالتالي أنت متخيل أنك مش مرتبط بوقت و لا بمهمة محددة، و لكن دة غير صحيح تماما، أنت في مجال العمل الحر أنت مرتبط بساعات متفق عليها مع عملائك، و لازم تسلم المشروع في ميعاده المحدد، و ماتفكرش أنك عشان بتشتغل لوحدك أنك في الحالة دي مش هاتتحاسب، بالعكس أنت مسئول مسئولية كاملة عن أي تأخير ممكن يحصل في تسليم مشروع ما، و طبعا دي من الخرافات عن مجال العمل الحر.
و عشان كدة أنت ممكن تحتاج أنك تنمي مهارة تنظيم الوقت و تكون محترف فيها، وهي من أهم المهارات في مجال العمل الحر، و كمان أنت كدة بتكسب رضا عملائك و كمان بتزود من تقييمك أنه يكون جيد.
يعني الخلاصة أنك لما تكون شغال تحت مديرك هو أللي مسئول عن انضباطك، و لكن لما تشتغل لوحدك و مستقل بنفسك في الوقت دة، هاتكون أنت مسئول عن نفسك تماما. و دي من أهم مهارات العمل الحر، و كل ما تكون ملتزم كل ما هايزيد دخلك أكتر و لكن الوظيفة في شركة ما، مش هاتحققلك الدخل الثابت.
و دي معلومة غير صحيحة تماما و تعتبر من أهم خرافات عن مجال العمل الحر أيضا، العمل الحر ممكن يوفر لك أنك تقدر تنظم وقتك علي حسب روتين يومك، و لكن فكرة أنك ممكن تشتغل في أي وقت يناسبك أنت بس دية خرافة و تضليل بالتأكيد. و لكن ممكن في أوقات مختلفة أنك تكون قادر علي اختيار الوقت المناسب ليك وأوقات تانية مش هاتعرف تنظم الوقت لأنك هاتكون مرتبط بتسليم مشروع في وقت محدد.
ممكن لو مواعيد عميلك مش مناسبة لك، فأنت ممكن تظبط مع العميل علي الوقت المناسب علي حسب يومك يعني تقدروا توصلوا لحل وسطي، أو ممكن يكون عندك حل تاني أنك ماتشتغل مع عميل لو مواعيده مش مناسبة معاك. يعني العمل الحر يوفر لك مطلق الحرية في اختيار وقتك المناسب لحياتك.
و مثال علي ذلك ممكن تشتغل عدد من الساعات المعينة في الصباح او الليل علي حسب، و تاخد مثلا اجازاتك في ايام معينة، بحيث أن يكون عندك القدرة علي توفير الوقت لنفسك.
بعض الناس تنظر للعمل الحر علي أنه وهم و غير حقيقي. و طبعا هي أشهر خرافات عن مجال العمل الحر في الوطن العربي كله. و طبعا هو عمل حقيقي و فيه نفس مسئولية العمل الثابت. يعني مثال انك تحاول تحسب مكسبك من الدخل الشهري و تطرحه من مصاريفك الشهرية عشان تحدد دخلك الشهري الصافي. و كمان محتاج تطور من مهاراتك و من خبراتك.
من أشهر خرافات عن مجال العمل الحر، أنك من الصعب تحديد وقت لشغلك ووقت لحياتك. و أفكار تعجيزية أنك غير قادر علي عدم تنظيم حياتك. لأنه ببساطة زي أي عمل تاني في بعض الناس تنسي حياتها و تركز في الشغل بس، و تبعد عن أي نشاطات، أنك تكون مع عائلتك و أصحابك. و لكن أنت ممكن تنوع أنك تشوف النشاطات المفضلة عندك و تعملها. يعني تخصص وقت للشغل و وقت لهواياتك.
و من أشهر خرافات عن مجال العمل الحر، أنك ممكن تشتغل بملابس البيت، و لكن دة غير صحيح كليا، لأنك مش محتاج غير جهازك الكمبيوتر، اتصالك بالأنترنت و مشروبك المفضل و دة هيساعدك علي التركيز.
و لكن دة غير مستحب لأنك ببساطة هاتحس بشعور سلبي، لأنك مجرد ما ارتديت ملابس الخروج دة هايغير شعورك من السلبي للأيجابي. هاتكون ملتزم أكتر هاتحس أن عندك جاذبية للشغل و تقدر تنتج أكتر في الحالة الأيجابية بالتأكيد.
العمل الحر لا يتطلب شهادات معتمدة كل ما يحتاجه العمل الحر، أن تكون عندك مهارات متنوعة و خبرة كمان لأنها مهمة جدا. لا تصدق بعض من الناس أللي ممكن تقنعك أنك محتاج شهادة ما و دي من أشهر خرافات عن مجال العمل الحر. كل المطلوب منك معرض لأعمالك المتخصص فيه لأنه العميل هاياخد انطباع أنك عندك خبرة جيدة.
و تعتبر دي من أشهر خرافات عن مجال العمل الحر للمبتدئين في المجال جديد. لأنك ممكن ببساطة تكون من المبتدئين و تهتم بتخصص واحد فقط، و تهمل باقي المجالات. و دة من أكبر الأخطاء أللي ممكن تعملها في مجال عملك الحر. لأنك محتاج مهارة في كذا مجال لأسباب كتيرة.
لأنك ببساطة ممكن تكون محتاج لتعلم بعض المجالات و التخصص فيها عشان تبني معرض لأعمالك و تحقق خبرة و توصل لتقييم جيد وأسم كبير و العملاء تثق فيك. و ممكن تكون محتاجها بس لتسديد أقساطك الشهرية مثلا أو ألتزاماتك الشهرية عموما.
و في النهاية ممكن معرفتك بالخرافات عن مجال العمل الحر. تساعدك علي أنك لما تسمعهم من أي شخص ما، هاتفهم أنها مجرد خرافات و غير حقيقية و بدل ما تضيع مجهودك و تركيزك في حاجات مش هاتفيدك. أنت ممكن تستفاد بوقتك و تتعلم مهارات و تطور نفسك و تحقق نجاح رائع. و كل ما تكون إيجابي قدرتك علي التطوير هاتكون أكتر و أسرع.
شاهد فيديو تحديد الأهداف في العمل الحر
