يعني ايه مهارات ناعمة؟ المهارات الناعمة دي من أهم المهارات إيلي ممكن تفيدوك في حياتك كلها سواء الشخصية أو المهنية، و تعلمها سهل و بسيط جدا، ومن خلالها هاتقدر تحقق النجاح في شغلك و في حياتك.
هقولك علي المهارات الناعمة التي لها علاقة بمجال عملك و إزاي تقدر تطورها و تمتلك الخبرة من خلالها و تعالي نتعرف علي المهارات بالتفصيل:
لازم يكون عندك قدرة التواصل مع الأخرين، طبعا كل واحد له شخصيته المختلفة و لو أنت عندك قدرة التواصل
دة هايخليك تتواصل بشكل جيد مع أي حد، وهي طبعا أصل المهارات كلها بدونها مش هاتعرف تتواصل مع أي حد
و هي تعتبر من أهم المهارات الناعمة و لها علاقة بمجال عملك و دة بيضمن لك إنك تاخد أي قرار في حياتك
لأنك لو أنت لوحدك و منعزل مش هاتعرف تاخد أي قرار في حياتك أصلا
و حتي مش هاتعرف تتعلم أي حاجة جديدة و مش هاتعرف توصل معلوماتك لأي حد كمان
و هي مهارة مهمة جدا، وهي موجودة عندنا كلنا و لكن بدرجات مختلفة
أشتغل علي مهارة التواصل عشان تقدر توصل لك لهدفك.
و دي أنت بتكتبها في سيرتك الذاتية و إنت رايح تقدم في شركة علي شغل جديد تحت بند مهارات ناعمة أو soft skills
بتكتب إنك باتقدر تحفز نفسك بنفسك، و بعد فترة من شغلك بتحس إن حماسك بيقل
و محتاج إن حد يحفزك،و نسيت إنك تكتب إنك بتحفز نفسك
و فكرة تحفيز النفس دي مهارة، و فكرة إنك تشوف إن أي موقف بيعدي عليك أنه طريق أنك تحفز نفسك من خلاله
و تطلع منه دة في حد ذاته تحفيز جيد جدا لنفسك و محتاج إنك تتعلم مهارة التحفيز
و كل ما يكون عندك إيمان قوي بالحاجة إللي بتعملها دة أكيد بيحفزك إنك تكمل فيها و متحمس طول الوقت.
مش لازم تكون مدير عشان تقود فريق عمل، الفكرة إن القيادة دي مهارة بتتعلمها
و بالتالي لما تكتسبها فا يكون عندك خبرة، و هطبقها في بيتك، شغلك، مع أولادك، و مع أي حاجة في حياتك عموما
يعني لازم تكون مدير علي نفسك الأول و بعدين مدير علي حاجات تانية في حياتك
مش معناها إنك تأمر الناس، لأ هي معاناها إزاي الناس يتحمسوا أكتر و يحبوا الحاجة إللي بيعملوها و أنت كدة هتكون قائد ناجح.
دي رحلتك إيلي أنت بتتحملها من أول ما تختار حاجة تعملها، لو حاجة حصلت غلط أو محصلتش علي النتيجة إيلي أنت كنت عايزاها دي هاتبقي مسؤليتك كاملة، يعني مش هتوجه اللوم علي ظروف و لا علي الناس إللي معاك
لأ هاتتحمل المسؤلية و تقدر تشوف الغلط حصل منين و تحاول تصحح الغلط دة
سواء أنت خططت غلط، مرجعتش كويس علي الناس، أو ايا كان السبب.
و هي قدرتك علي أنك تشتغل مع مجموعة و يكون عندكوا نفس الهدف، عشان في الأخر توصلوا لنتيجة محددة
و لو أنت تقدر إنك تشتغل في وسط مجموعة، هايبقي عندك القدرة إنك تشتغل مع أي حد
أو تساعد أصحابك، أو تساعد أي حد من الناس إللي معاك
و تقدر تخليهم يفكروا في نفس الهدف إللي بيشتغلوا عشانه.
و دي مهارة لازم يكون عندك خبرة فيها، لإنه لازم يكون عندك فكرة عن الشغل إللي إنت بتعمله، و كل ما يكون عندك خبرة، تقدر تحل المشكلات بصورة أفضل. و مهارة بتطلب منك يكون عندك قدرات تحليلية، عشان يكون عندك خبرة إنك تاخد أي موقف و تحوله لحقايق و من خلالها تبتدأ تتعامل علي أساسها، و مهارة باتحتاج إنك تكون مبدع في فكرك، يعني لو عندك كذا اختيار و مفيش حاجة منهم كويسة، هاتقدر إنت تفكر و تبتكر حاجة تانية خالص، و محتاجة كمان إنك يكون عندك القدرة إنك تتعامل مع الضغط، عشان تقدر فعلا توصل لحل كويس.
لو إنت قدامك معلومات مش كاملة و محتاج إنك تاخد قرار محدد، و تحاول إنك تاخد من المعلومات دي تحليل معين، في الوقت دة هتختار و هتاخد القرار علي أساس خبرتك مش أي قرار و خلاص.
معظم الضغط إللي بيحصل لك بسبب عدم تنظيم الوقت، و خليني أقولك إنك كل ما تنظم وقتك، هاتقدر تنجز أكتر سواء في شغلك، في بيتك، و لو عرفت إنك تنظم وقتك هايكون عندك حاجة اسمها التوازن ما بين شغلك و حياتك الشخصية، و مهم جدا إنك تحدد الأولوية عندك، و من خلال دة هاتعرف إزاي تمشي يومك.
بأختصار المرونة إن أنت تعرف إزاي تتأقلم مع أي تغير في حياتك، و يكون عندك مرونة أنك تتعايش مع أي حال، و لأن الحياة متغيرة علي طول و عمر ما حد بيمشي علي حياة ثابتة، لازم تتعلم إزاي تكون مرن، و لو عرفت أنك تتقبل إن التغير هو الحاجة الوحيدة ألي ثابتة في الحياة، لو قدرت تتقبل الجملة دي، هاتكون متقبل أي تغير في حياتك و هاتنجح و عمرك ما هتفقد الحماس إنك تتقدم و تنجح في حياتك.
لو إنت عندك رأي و إللي قدامك عنده رأي، و في الأخر توصلوا لرأي واحد و تشوفوا مين رأيه هو إللي هايمشي
أو أنت عندك مصلحة، و إللي قدامك عنده مصلحة حد منكوا هاينجح إن اختياره هو إللي هايغلب
إذا أنت مفاوض جيد جدا هاتعرف توصل لصفقة كسبانة، و في الأخر إنتوا بتوصلوا للمصلحة المشتركة.
و هي أنك تملك قدرة إيجاد الحل المناسب للأزمات و تتوقع الخطر
يتم التعبير عنها في القدرة على حل المشكلات - للتعامل مع المواقف الصعبة - للتنبأ بسلوك الأشخاص.
الخلاصة إنك تتعلم مهارات ناعمة في حياتك دة مهم جدا، و هاتبقي مفيدة ليك أكتر لو إنت تعلمتها من و إنت في الجامعة، و هايكون عندك خبرة رائعة، إنك تطور نفسك و يكون عندك مهارات كتير، دة هايكون حافز ليك إنك لما تروح تقدم علي وظيفة هايبقي عنك ثقة في نفسك و عارف إنك تملك خبرات أكتر من أي حد تاني. و هي مهارات مش هاتفيدك بس في شغلك لأ و كمان في حياتك الشخصية.
